මාදැල් දැමීමට කුච්චවේලි, වීරන්චෝලය මුහුදට ගිය පුද්ගලයකු අතුරුදන් වී තිබේ. මියගොස් ඇත්තේ 41 හැවිරිදි අයෙකි.

තම නෑනාට පහර දී ගෙල සිර කර ඝාතනය කොට රන් මාලයක් හා මුදු දෙකක් කොල්ලකෑම හේතුවෙන් මාතර මහාධිකරණය ඉදිරිපිට වරදකරු වූ මස්සිනාට මරණ දඬුවම නියම කර තිබේ.

හික්කඩුව සමුද්‍රීය ජාතික උද්‍යානයේ කොරල්පර නැවත වගාකිරීමේ ව්‍යාපෘතියක් වනජීවි සංරක්ෂණ දෙපාර්තමේන්තුව විසින්  ආරම්හ කරනු ලැබිය.

පහළොස් හැවිරිදි බාලවයස්කාර දැරියක්  අපයෝජනයට ලක් කිරීම සම්බන්ධයෙන් සැක පිට දැරියගේ පෙම්වතා නෙළුව පොලිසිය මගින් අත්අඩංගුවට ගෙන ඇත.

මාතර සිට වවුනියාව බලා ධාවනය වෙමින් තිබු දුම්රියේ  අද උදෑසන 8.00ට  පමණ ගාල්ල මිනුවන්ගොඩ ප‍්‍රදේශයේ දි කාන්තාවක් හැපිමෙන් මිය ගොස් ඇත.

මගීන් බස් රථයට නංවා ගැනීමට ලංගම බසයක් හා පුද්ගලික බස් රථයක සේවකයන් පිරිසක් අතර කළුතර දී ඇතිවූ ගැටුමක් හේතුවෙන් එක් අයකු තුවාල ලබා රෝහල්ගත කර තිබේ. තවත් අයකු පොලිස් අත්අඩංගුවට ගෙන ඇත.

කොළඹ සිට හික්කඩුව දක්වා ධාවනය වූ නගරාන්තර දුම්රිය අද පස්වරුවේ තොටගමුව පාලම අසලදී දුම්රිය මාර්ගයට වැටුණු පොල් ගසෙහි වැදීමෙන් දුම්රිය ධාවනය ටික වේලාවකට ඇණහිට තිබේ.

කොළඹ නාගරික හිටපු මන්ත‍්‍රී අසාද් සාලි මහතා කොළඹ ජාතික රෝහලට ඇතුළත් කොට තිබේ. පසුගියදා ඔහු අපරාධ පරීක්ෂණ නිලධාරීන් විසින් අත්අඩංගුවට ගෙන තිබිණ.

අතුරුගිරිය, පිට්ටුගල යශෝදරා විද්‍යාලය ඉදිරිපිට දී එහි සිසුවකුගේ පියකුගෙන් මීට ටික වේලාවකට පෙර රුපියල් ලක්ෂ 10ක මුදලක් තිදෙනකු පැමිණ සොරාගෙන තිබේ.

අර්තාපල් කිලෝවක ආනයනික මිල ඉහළ දැමීමට මුදල් අමාත්‍යාංශය තීරණය කර තිබේ. ඒ අනුව අර්තාපල් කිලෝවක ආනයනික බදු මිල රුපියල් 10කින් ඉහළ යනු ඇත.

හින්දුම, ඉබ්බාවෙල, මණ්ඩලපුර ප‍්‍රදේශයේ 13 හැවිරිදි දියණියට බරපතල ලිංගික අපයෝජනයට ලක් කිරීමක් සම්බන්ධයෙන් 43 හැවිරිදි පියා හිනිදුම පොලිසිය විසින් අත්අඩංගුවට ගෙන තිබේ.

මීගොඩ පිහිටි ආර්ථික මධ්‍යස්ථානයට ඊයේ රාත‍්‍රියේ මංකොල්ලකරුවන් පිරිසක් පැමිණ එහි වෙළෙඳෂල් දෙකක් බිඳ සේවකයන්ට පහර දී මුදල් සොරාගෙන පලාගොස් තිබේ.

නුවරඑළිය ප‍්‍රදේශයට ඇදහැළෙන අධික වර්ෂාවත් සමඟ ඝන මීදුම් තත්ත්වයක් බලපාන බැවින් හැටන්-නුවරඑළිය හා ගම්පොළ-නුවරඑළිය මාර්ගයේ රාත‍්‍රි කාලයේ ගමන් ගන්නා රථවාහනවල රියැදුරන් සුපරීක්ෂාකාරී රිය පදවන්නැයි දිස්ත‍්‍රික් ලේකම් ජී.පී.ජී. කුමාරසිරි මහතා ඉල්ලා සිටී.

සිය බාලවයස්කාර පෙම්වතිය දූෂණය කළැයි තරුණ පෙම්වතා දික්වැල්ල පොලීසිය මගින් අත්අඩංගුවට ගෙන තිබේ.

එක්සත් ජාතීන්ගේ සංවිධානයේ සමුළු සංවිධානය කිරීමට අදාළ සියලූ කමිටුවල දී මහා මණ්ඩලයට උපදෙස් සපයන සමුළු පිළිබඳ කමිටුවේ මෙවර සභාපතිත්වය සඳහා චමිත‍්‍රි රඹුක්වැල්ල මෙනවිය තෝරා ගෙන තිබේ.