බදුල්ල දිස්ත‍්‍රික්කයේ පෞද්ගලික බස් රථ හෙට පැවැත්වෙන වර්ජනය සඳහා සහභාගි නොවන බව සීමාසහිත බදුල්ල මගී ප‍්‍රවාහන සමාගම පවසයි. ඊට අයත් බසර රථ 104ක් පමණ සුපුරුදු පරිදි හෙට දිනයෙ ධාවනයේ යොදවන බව එහි ලේකම් ආර්.එම්. සමරසේකර මහතා පැවැසී ය.

සිය උපන් දිනය සඳහා තමන් විසින්ම අපූරු ත්‍යාගයක් ලබාදෙමින් වැඩිම උසක් කඹයක් ආධාරයෙන් තරණය කළ ලොව වයස්ගතම පුද්ගලයා බවට පත්වීමට ඩොරිස් ලොන්ග් නමැති බි‍්‍රතාන්‍ය ජාතික කාන්තාව සමත් වී තිබේ.

අල්ගම, තල්ගහදෙනියේ ළමා නිවාසයකදී අභිරහස් ලෙස මියගිය තම මන්දමානසික පුතාගේ මරණය සම්බන්ධයෙන් විධිමත් පරීක්ෂණයක් කර වරදකරුවන් නීතියේ රැහැනට හසුකර ගන්නැයි මියගිය තරුණයාගේ මව බලධාරීන්ගෙන් ඉල්ලයි.

විජයග‍්‍රහණ සැමරුම් උත්සවය අතරතුර බම්ලපිටිය මුහුදු ප‍්‍රදේශයේ දී පෙරළුණු නාවික යාත‍්‍රාවේ සිට අතුරුදන්ව සිටි නාවිකයාගේ මළ සිරුර එම මුහුදු ප‍්‍රදේශයේ දී අද පෙරවරුවේ සොයාගෙන තිබේ.

කඳාන, දකුණු බටගම ශ‍්‍රී වර්ධනාරාම විහාරස්ථානයේ ඊයේ රාත‍්‍රියේ පැවැති වාර්ෂික පෙරහරේ ගිය අලියකු කුලප්පු වීමෙන් තුවාල ලැබූ කුඩා දරුවන් 8ක් රෝහලට ඇතුළත් කර තිබේ.

දකුණු පළාතේ හෙට සහ අනිද්දා දෙදින තුළ බස් රථ වර්ජනයක් සිදුනොවන බව මගී ජනතාව අපහසුතාවට පත්නොකරන බව සීමාසහිත මාතර මගී ප‍්‍රවාහන සංගමයේ සභාපති එ්.එච්. අල්පගේ මහතා පවසයි.

පොළොන්නරුව, මහසෙන්පුර, අක්කර 500 ප‍්‍රදේශයේදී ඊයේ සවස 4ට පමණ අවුරුදු 15ක දැරියක් තියුණු ආයුධයකින් කපා කොටා ඝාතනය කිරීමක් සම්බන්ධයෙන් පොලිස් පරීක්ෂණ ඇරඹේ.

නුවර පිළිමතලාව ප‍්‍රදේශයේ පිහිටි තේ කම්හල අසල දී නවතා තිබූ බස් රථයක මෝටර් රථයක් හැපීමෙන් තරුණයන් දෙදෙනෙකු මියගොස් තිබේ.

මතභේදයට තුඩුදුන් සමලිංගික විවාහය නීතිගත කිරීමේ පනතකට පැරීසියේ ජනාධිපති ෆ‍්‍රැන්සිස්කෝ හෝලන්ඞ් විසින් අත්සන් තබා තිබේ.

විජයග‍්‍රහණ සැමරුම් උත්සවය සඳහා එක්ව තිබූ ශ‍්‍රී ලංකා නාවික හමුදාවට අයත් කුඩා යාත‍්‍රාවක් බම්බලපිටියට ආසන්න මුහුදේ දී අද පෙරළීමෙන් එක් නාවිකයකු අතුරුදන් වී ඇතැයි වාර්තා වේ. 

අක්මීමන ප‍්‍රාදේශිය සහා බලප‍්‍රදේශය තුළ සුනාමියෙන් විපතට පත්ව දැනට පදිංචිව සිටින පවුල් 500ක් සඳහා මේ වනතෙක් ඔවුන් පදිංචි ඉඩම් සදහා ඔප්පු ලබාදී නැතැයි අක්මීමන ප‍්‍රදේශිය සහාවේ සහාපති අනිල් ප‍්‍රියදර්ශන මහතා පැවසී ය.

යුද්ධය අවසන් වූ, ලේ හැලීම් නවතා දැමූ, සංවර්ධනය ඇරඹූ යුගය ලෙස මේ යුගය හැඳින්විය යුතු බව ජනාධිපති මහින්ද රාජපක්ෂ මහතා පවසයි. අද දින පැවැත්වෙන විජයග‍්‍රහණයේ සැමරුම් උත්සවයේ දී හෙතෙම මේ බව සඳහන් කළේ ය.

කොටුව-පැලවත්ත බස් රථයක් තලංගම රෝහල අසලදී බස් නැවතුම්පළ කඩාගෙන ගොස් රෝහල් තාප්පයේ වැදී ලයිට් කණුවක හැපීමෙන් අද සිදු වූ අනතුරින් තුවාල ලැබූ තවත් අයකු මියගොස් තිබේ.

සෞඛ්‍ය අමාත්‍යාංශය මගින් පවත්වන උපස්ථායක, උපස්ථායිකා විභාගය නොවැළැක්විය හැකි හේතුවක් මත කල්දමා තිබේ.

කොටුව-පැලවත්ත බස් රථයක් තලංගම රෝහල අසලදී බස් නැවතුම්පළ කඩාගෙන ගොස් රෝහල් තාප්පයේ වැදී ලයිට් කණුවක හැපීමෙන් අද සිදු වූ අනතුරකින් නැවතුම්පළේ සිටි දෙදෙනෙක් ජීවිතක්ෂයට පත්ව තිබේ.